無線要必要由朝到黑都講劉翔傷勢嗎？

 

２００８年８月１８日

星期一

在今個早上從電視上得知劉翔退出，
無錯，他是弄傷了！

但現在是１７：４５分，
一個運動員帶傷上陣，或退出比賽又有幾奇怪呢？？
使唔使由朝講到黑呢？？
仲要搵埋一D人上去分析佢嘅傷勢，
成個節目好似變左醫學節目！！
大佬呀，
我當然同情劉翔，

但都唔使由朝講到黑架 !

帶兵上陣必有死傷架啦。

要講嘅...麻煩在完成當日所有項目後，
開個專輯慢慢講，
可以由23:00分析到第朝07:00都得。
用"人體奧妙展"嘅方式解說都得，
我還很贊成。

更在節目內提及有別人在討論區罵劉翔退出！
還問各人意見，
就算有都唔會在螢幕上講啦。
唉～又係咁多廢話！

退出比賽己成事實，
佢傷左，亦都係事實。
播放多D北京比賽花絮好過啦。

 

埃蒙斯當日射錯靶，
又唔見TVB搵一大班心理學家，射擊學家
行為學家，眼科專家，
腦科專家，槍械學家上去分析!